रुँदिन म
रुँदिन म अहँ रुँदै रुँदिन तिमी बिना आफ्नो भविष्य नदेख्दा तिम्रो अभावले मेरो सासै रोकिन खोज्दा तिमी नभई, गन्तव्य सारा अन्धकार देख्दा बस् कहिलेकाहिँ आँखा रसाउँछन् तिमीलाई आफ्नो छेउमा नपाउँदा रुँदिन म छटपटीले यो ज्यान रन्किदा पीडाको धारले कलेजी काट्दा उत्कण्ठाको कम्पनले मुटु भासिदा बस् कहिलेकाहिँ भक्कानो छुट्छ तिम्रो मायाको आभाष नपाउँदा रुँदिन म मेरो कुरा तिमीले हाँसेर टारी दिँदा मेरो मनको ज्वाला निभाउन नपाउँदा मुटुभरको माया पोख्न नपाउँदा बस् कहिलेकाहिँ गला बाउँडिन्छ जानिजानि तिमीले यो प्रेमलाई छेक्दा रुँदिन म रिसाइ मसँग तिमी चर्को बोल्दा तिमी झर्केर "था' छैन मलाई" भन्दा मधु संबादमा तिमी अचानक बम्किदा बस् कहिलेकाहिँ विचलित हुन्छु तिम्रो मुडमा रस भर्न नसक्दा रुँदिन म मौकामा तिमीले फोन नगर्दा बिर्सेर टेक्स्टको जवाफ नदिँदा रुष्ट भइ "त्यो कुरा सकिई सक्यो" भन्दा बस् कहिलेकाहिँ ऐठन हुन्छ त्यो मनमा म प्रतिको चाह नदेख्दा रुँदिन म तिमीलाई अरुकै काखमा देख्दा तिम्रो हातमा अरु कसैलाई देख्दा तिमीमा अरुकै पुर्णाधिकार देख्दा बस् कहिलेकाहीँ छाती पोल्छ तिमीलाई मेरो पक्षमा नदेख्दा अ